لمحات

يا سلام8->

2011-06-23T16:15:00.000-07:00

يا سلام برده8->

القطر لسسسسسسسسه فاضي~x(

2011-04-22T17:16:00.000-07:00

يارب يبقي فاضي بكره
يارب محدش يقول الكلمتين دوووول ادخل جوه القطر لسه فاضي
يارب التشيرت ما يتقطع
يارب مايقفش لحد بيشاورله
يارب ميكونوش سرقوا الشبابيك اللي ركبهالوا اخر مره

خبيت عليكي كتيييييييييييييييييييير:(

2011-04-03T13:29:00.000-07:00

ههههههههههههههههههههههههههههههههههههههه

جميله اوي:)

2011-03-23T19:28:00.000-07:00

لما نستشهد بنروح الجنه:)

بالتركي:)

الاستفتاء

2011-03-19T06:30:00.000-07:00

النهارده كان يوم مش هينساه اي حد
اول مره اروح اقول رايي يمكن الشعب كله اول مرة يروح يقول رايه
وانا جاي من التصويت لقيت عامل المدينه عنده تقريبا ستين سنه بيسالنا فين مكان المدرسه اللي بيصوتوا فيها ومش قادر يا عيني يمشي بيجر رجليه علشان يروح ورايح بهدوم شغله والنصيبه الاكبر في ناس شباب مش هتروح!!!!!!!!!!!!
اما بقي المدرسه كان فيها ناس كتيرة جدااااااااااااااا صغيريين وكبار تحس ان الناس عايزة تعمل حاجه فعلا
*******************************************************************
اما بقي في شويه ناس عمالين يقولوا الشيخ كذا بيقول كذا وبيقولك روح قول كذا والنبي يريحونا ويقعدوا في جنب ولا نلغي نتيجه الاستفتاء وناخد براي الشيوخ مع احترامي ليهم
وكان فين الشيوخ دول كلهم لما البلد خربت والناس اتبهدلت !!!!!!!!!
اللي عايز يشرح وجه نظره ماشي
مش عمال يؤمر الناس يقولوا كذا بنبيع طماطم احنا!!!!!!!!!!!!!!!!!!!!
والناس اللي غاويه مصالح ياريت يبقي عندها دم ويحسوا بمصر المقهورة والمطحونه مش مصر بالشاي والياسمين!!!!!!!!!!!!
**********************************
ربنا يرزقنا برئيس بن حلال وناس ولاد حلال يقدروا البلد دي مش يفكروها عزبه اللي خلفوهم

الثورة كشفت العورة!!!!!!!!!!!!

2011-03-16T10:52:00.000-07:00

من الواضح وبعد ثورة 25 يناير والاقتراب من الاستفتاء علي الدستور ان النظام القديم نجح وبامتياز في القضاء علي الموهبييين والمبدعين وترك لنا بهلوانات وقرود وسلاحف النظام القديم لنختار منهم اكثر الجهلاء عقلا .

تحول الاستفتاء الي ماتش اهلي وزمالك تحول من استفتاء من اجل مصلحه الوطن الي استفتاء لمصلحه احزاب ورق التواليت

مش المهم تقول نعم ولا لا المهم بتقول نعم ليه ولا ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هل نعم او لا علشان انت من الشعب المطحون اللي نفسه يشوف يوم عدل في بلده

ولا نعم علشان انت من حزب او جماعه معينه مستعده استعداد تام لكسح الانتخابات

او لا لانك من حزب او جماعه مش مستعده وعايزه تكسسسب وققتت

وقد اتفقنا نحن المصرييييييييييييييييين الا نتفق علي اي شيء صحيح كتييييييييير بيقولوا نعم وكتيييييييير بيقولوا لا وكتيييييييييييييييييير بيقولوا يا لهوي بس كل واحد ليه نظريه في كلمه نعم ونظريه في كلمه لا !!!!!!!!!!!!!!!!!!!!!!!!

في اي دوله في العالم الاستفتاء علي مواد معينه في الدستور .....نعم معناها موافقين عليها ...ولا مش هتتغيير لكن عند بناه الاهرامات

حاجه تانيه نعم او لا وراها حاجات كتتتتتتتتتتتييير اكبر من تعديل شويه مواد لا حاجات مستخبيه .

لم يذكر احد مصلحه الوطن ذكر فقط انا مع الشيخ كذذذذذذذذذااا وجماعه كذاااااااااااااااااااااااااااا وشوفوا حتي المقالات بتققققققول كذا والعفففريييييييييتتت كذا بيقول كذا والسباك كذا بيقول كذا زهقتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتونااااااااااااااااااااااااا

"لا تنتظر جديداً من قدماء المصريين.. من مومياوات خرجت من توابيت النظام السابق ونامت في تابوت الثورة وتلعب بنفس قواعد ستين سنة خلت.. وآفتنا الكبري ومرضنا العضال اننا لا نستحي لذلك نفعل ما نشاء

وكل واحد نفسه ثووورجي وبطططل همام وهل من الثورة ان تكوووووووون منافق ؟؟؟؟؟؟؟؟؟؟؟؟؟؟

انا زهقت من كتر الاجتماعات والحوارات بقيييييييييتتتت سلبي مش مصدق ان احنا هنوصل لحاجه !!!!!!!!!!

"ان الأنظمة تسقط والثورات تسقط لكن المنافقين والفسدة والظلمة وكذابي الزفة والآكلين علي كل الموائد لا يسقطون أبداً.. فنحن بلد التوريث منذ خلق الله أرضنا.. لكننا لا نورث ولا نتوراث علما ولا قيما ولا مبادئ بل نتوارث فسادا ونفاقا وكذبا ومحسوبية وكوسة "

"مصر لم يكن فيها يوما نظام سابق ونظام حالي هو نظام واحد تتعاقب عليه الوجوه المختلفة.. ومقعد واحد تتعاقب عليه المؤخرات المختلفة.. لذلك لا ينبغي أن يقال إن فلول النظام السابق تتربص بالثورة.. فلا يوجد عندنا نظام سابق أبداً.. سواء كان ملكيا أو جمهوريا أو ثوريا أو فرعونيا.. مصر بعبقريتها جعلت الأنظمة منذ الفراعنة إلي ثورة 25 يناير نظاما واحدا"...

بعد خروج احد كبببباااار الاخوان المسلمييين من السجن سالوه ايه شعورك وانت خارج النهارده ؟؟ قالهم زعلان من الطريقه اللي طلعت بيها اصله طلع بتقرير طبي يعني مش قرار براءة يعني محسوبيه برده بس محسوبيه من نوع تاني محسوبيه لنظام تاني غير النظام الاول واالايااام كتيييييييييييير ما هتجييييب

رايح بكره جامعه الكتاااااااااااااااااااااااااااكيت

2011-03-11T18:31:00.000-08:00

بعد طوووول انتظارهسسسافرالنهارده ان شاء الله لمحافظه الكتاااااااااااااااااااااااكيتD:

بسسس خلاص علشان الناس متزعلششششش

مع اني مش عارف ليه بيزعلوا من حكايه الكتاكيت دي डी:

العبيد في بلدي لا يثورون ليتحرروا ولكنهم يثورون ليغيروا قيودهم وسادتهم ومواقعهم في سلك العبيد

2011-03-09T08:57:00.000-08:00

ولد فأراً وفقراً .. ولم يلد فَجراً !!
بقلم : محمد أبوكريشة
Mabokraisha@yahoo.com
Mabokraisha@hotmail।com
"فين الأمير أقطاي؟ مات॥ فين الأمير عزالدين أيبك؟ مات.. فين الست اللي بتحكم مصر؟ الملكة العظيمة شجرة الدر ماتت.. طب أكلم مين لما أحب أخاطب شعب مصر؟" هذا الحوار دار في فيلم "وا إسلاماه" بين رسول هولاكو قائد التتار.. والأمير سيف الدين قطز الذي لعب دوره الفنان الراحل أحمد مظهر.. انه حوار موح ومؤلم يلح علي الآن بشدة.. أردده كل لحظة.. أسمعه يرن في أذني كل ثانية.. وتتسارع دقات قلبي عندما أصل إلي السؤال الأخير والخطير في الحوار: "وأكلم مين لما أحب أخاطب شعب مصر؟".. انه سؤال اللحظة.. سؤال الأيام الحالكة السواد التي نعيشها الآن ويبدو اننا سنظل نعيشها طويلا.. وأخشي أن يكون القادم أسوأ.. وان الشعب المسحوق سيظل يغسل أكثر سوادا في قابل الأيام.

بلد بلا كبير.. "بلد مالهاش عمدة" علي رأي أبي رحمه الله لا أحد يسمعك وانت لا تسمع أحداً أري كثيراًً ولكن لا أري أحداً.. أسمع كثيراً ولكني لا أسمع أحداً.. ابحث في كل الأسواق عن كبير لأشتريه ولكن "الكبار خلصوا".. ربما نجد أنفسنا مضطرين إلي استيراد كبير.. ربما نجد أنفسنا في مباراة صعبة تضطرنا لاستقدام حكم أجنبي.. وتنتهي المباراة بهزيمة كل الفرق المتصارعة علي كأس الثورة.. وفوز الحكم الأجنبي وحده.. الحقيقة الوحيدة الآن هي اللا حقيقة.. لا توجد في مصر حقائق الآن.. لا توجد اجابة لأي سؤال.. هناك عمليات قرصنة وخطف لكل الطائرات.. طائرة السياسة وطائرة الصحافة والإعلام وطائرة ميدان التحرير.. وطائرة الثورة.. ووقود كل الطائرات يوشك علي النفاد وهي هائمة في الجو لا يدري خاطفوها ولا ركابها أين ستهبط أو ستسقط بهم.
الفوضي هي العنوان العريض لكل شيء في بلدي.. وفي الفوضي والزحام والضوضاء وخطف الطائرات والكاميرات والأضواء يصعب الفرز والانتقاء والانتخاب والاختيار.. سنعود إلي المربع صفر.. سيركب الموجة أيضاً فاسدون ولصوص وخاطفون وقراصنة.. والرهان علي اننا سنبلغ الرشد بعد حين ونسترد هدوءنا ونلتقط أنفاسنا ونعيد النظر.. رهان يبدو لي خاسرا.. فنحن فيما يسمي الشرعية الثورية منذ ستين عاما وكانت دساتيرنا وقوانيننا علي مدي الستين عاما حبرا علي ورق.. أكلتها الشرعية الثورية التي أنبتت فوضي ومحاسيب وأهل ثقة وخدما لا رأي لهم في اختيار السيد.. هم يخدمون أي سيد.. يتغير السادة ولا يتغير الخدم.. الخدم تتغير مواقعهم ولا تتغير صفاتهم.. هم خدم في كل الأحوال ومهما تغير السادة.. فالوصيفة للهانم القديمة.. تصبح خادمة مطبخ في عهد الهانم الجديدة.. وخادم البهائم في عهد السيد القديم يترقي إلي خادم أطفال في عهد السيد الجديد.. والذين أبعدهم النظام السابق من القصر إلي الزريبة يعيدهم اللانظام الحالي من الزريبة إلي القصر.. والذين كانوا في قصر النظام السابق.. يبعدهم اللانظام الحالي إلي الزريبة.. لكنهم في كل الأحوال خدم.. خادم.. خادم أول.. خادم ثان.. باشخادم. "ماتفرقش".. المهم انهم يخدمون كل سيد وكل نظام وكل لا نظام أيضاً.
والخدم في كل أنحاء مصر يتصارعون الآن علي ترتيب أوضاعهم في انتظار السيد والكبير الذي لم يأت بعد.. ولا أحد منهم يعرف أن كان السيد القادم محليا أم أجنبيا.. العبيد في بلدي لا يثورون ليتحرروا ولكنهم يثورون ليغيروا قيودهم وسادتهم ومواقعهم في سلك العبيد.. الظلمة في بلدي يتغيرون ولكن المظلومين لا يتغيرون.. المسحوقون في بلدي يغسلون أكثر سوادا مع كل سيد.. الثورات في بلدي وفي كل بلاد العرب لا تغير أوضاعا.. ولكنها تغير وجوها.. العرب لا يثورون إلي الأمام ولا إلي الخلف ولكن يثورون داخل أحذيتهم.. السادة لا يغيرون طبائعهم ولا يغيرون نظرتهم للأمور ولكن يغيرون أحذيتهم وجواربهم.. ونحن دائماً أحذيتهم وجواربهم.
الديكتاتورية كما هي لكن المستبدين والديكتاتوريين يتغيرون كما يقول صديقي عصام مصطفي.. شريحة واسعة من شيوخ ورجال ونساء مصر وأطفالها أيضاً تشعر بغصة ومرارة في الحلوق.. ولا تري علاجا ولا مخرجا كما يقول صديقي القاضي أشرف حسن.. قطاع عريض من الشعب يلتزم الصمت.. والسكوت ليس رضا ولكنه سخط.. كما يري صديقاي العزيزان محمود الجندي وخالد الجرف.. الثقة مفقودة بين الجميع.. وكل بناء عندنا آيل للسقوط.. والوزير يعمل تحت فزاعة ميدان التحرير.. وأهل الميدان أعجبهم الحال.. والناس في بلدي غير قادرين علي البوح ولا النوح كما يقول صديقي عماد سعيد حزين.
تتعدد الأسباب والموت واحد.. لا يهم كيف نموت مادامت النتيجة اننا سنموت.. الشعب كان ينافق النظام زمان.. واللانظام الآن هو الذي ينافق الشعب.. النفاق زمان "كان طالع".. والآن النفاق نازل من فوق.. واتجاه النفاق لا يهم.. ولكن المهم انه موجود وينمو ويترعرع.
* * *
الدولة الافتراضية عندنا "علي رأسها بطحة".. هي ليست دولة فعل ولكنها دولة رد فعل.. ليست دولة صوت ولكنها دولة صدي.. تستجيب وتلبي وتنقاد ولا تقود.. نخاف ولا نخيف.. دولة فيس بوك.. وتوك شو.. كنا نخاف من وجود أجندات خارجية أو أجندات خاصة.. لكننا نخاف الآن ما هو أخطر.. أكاد أجزم الآن بأنه لا توجد أجندات علي الاطلاق سوي أجندة الفوضي.. الثورة بلا أجندة والدولة بلا أجندة والشعب بلا أجندة والإعلام بلا أجندة.. أراهن أي طرف أن يعرف ماذا سيحدث بعد ساعة.. بعد يوم.. بعد أسبوع.. الأجندة تعني انك تعرف ما انت مقدم عليه.. تعني انك تلعب بالأحداث.. لكن الذي يحدث اليوم اننا لا نعرف ما الذي سيحدث.. وان الأحداث تلعب بنا.. واننا نجري إلي ما لا ندري.. نحن نعرف الجريمة لكننا لا نعرف المجرم.. لا نعرف من بيده الأمر "ولله الأمر من قبل ومن بعد".. لا نعرف من بيده الثواب والعقاب.. لم نعد حتي نتحدث عن أيد خفية أو مؤامرة.. فنحن لا نري سوي أيد مغلولة وعقول مشلولة وألسنة "عايزة قطعها" وأقلام "عايزة كسرها".
مصر التي بدت قدوة وأسوة حسنة يوم 25 يناير تتحول الآن إلي عبرة وعظة.. كان الناس يتمنون الاقتداء بمصر والآن يقولون: "اتعظوا واعتبروا مما يجري في مصر".. السيناريو الوحيد اليوم هو الفوضي.. والأجندة الماثلة هي الضبابية والشبورة والمسحوق الذي يغسل أكثر سوادا.
حاول صديقي أن يبث في نفسي التفاؤل وقال: لابد أن نصبر علي الفوضي ونصمد أمام الشبورة.. فذلك التفاعل سيؤدي إلي الفرز في نهاية المطاف.. لكنه لم يفلح لأنني لست مقتنعا أبداً بأن الفوضي ستقود إلي نظام أو ستؤدي إلي الفرز.. الفوضي لا تميز الخبيث من الطيب.. والزبد في الفوضي لن يذهب جفاء.. بل هو الذي سيمكث في أرضنا.. من المضحك المبكي أن يهرول رئيس وزراء مكلف إلي ميدان التحرير ليأخذ شرعيته منه.. فميدان التحرير ليس مصر والذين أعجبتهم الاقامة هناك ليسوا كل شعب مصر.. لكن أول قصيدة شرف كفر.. فمعني ذلك ان من جاء بمظاهرة يمكن أن يرحل بمظاهرة.. ولا أحد يستطيع أن يؤدي عمله وهو تحت ضغط حفنة في ميدان التحرير مهما كان حسن نواياهم وبراءتهم.. وفي ميدان التحرير الآن نواة أو ارهاصات لديكتاتورية جديدة واستبداد من نوع مختلف عن استبداد النظام السابق.. نفس منهج الإقصاء أو التقريب.. نفس منهج صب اللعنات.. أو صب وسكب الرحمات والبركات.. بالمزاج والهوي.. والذي فعله شرف ليس سوي دليل علي هشاشة الدولة وخضوعها للإملاءات.. ليس سوي دليل علي ان الدولة تنافق الشارع كما كان الشارع ينافق النظام السابق.
الثورة تمارس الإقصاء والتمييز حتي في الموت.. فقتلاها شهداء وقتلي الشرطة مثلا فطيس.. والدولة تسمع وتطيع والأحزاب والإعلام والساسة والمثقفون يتسابقون علي مغازلة الثورة ومعاكستها والإيقاع بها ثم الزواج منها بعد أن طلقوا النظام السابق بالثلاثة.. انه منطق استبدال زوج مكان زوج.. هؤلاء سرقوا فلوس وامتيازات النظام السابق ليشتروا بها مقاعد في اللانظام الجديد.
ثورة بلا قائد ولا أجندة مع دولة بلا رأس ولا هوية.. والوطن رهينة وطائرته مخطوفة ومصيره مجهول.. زمان كنا نعاني من ان القرار والخيوط كلها في يد ورأس رجل واحد.. والآن ليست الخيوط ولا القرار بيد أو برأس أحد.. "الخيوط والقرارات ووثائق أمن الدولة ملقاة في الشارع".. مصر لم تعد في خاطري ولا في دمي.. صارت علي قارعة الطريق.. مصر المحروسة صارت مصر المحروثة والمحروقة والمحرومة والمفضوحة.
* * *
النظام السابق حبس مصائرنا في رأسه وكرسيه وقصره.. واللا نظام الحالي حبسنا في ميدان التحرير وعلي الناصية وفي مقالب القمامة.. السجان والسجن تغيرا لكن المساجين لم يتغيروا.. زمان مع النظام السابق كانت الحكاية واضحة.. فساد واضح.. وشر واضح.. وظلم واضح.. واستبداد تام وموت زؤام.. كنا نرسو علي بر.. ولو كان بر الشر.. الآن لا نرسو علي أي بر.. لا خير ولا شر.. لا فساد ولا إصلاح.. لا ديمقراطية ولا ديكتاتورية.. لا طرح ولا جمع.. كل شيء عندنا بلا معالم.. يصعب وصفه وتحديده.. "نفتح الشباك ولا نسد الشباك".. القادم أفضل أم أسوأ؟ "أفضل بأمارة إيه؟.. وأسوأ بأمارة إيه؟".. هل هي آلام الشفاء أم سكرات الموت؟
لم أكن أود أن أسأل كثيرا.. كنت أحب أن يسألني الأصدقاء لتكون لدي اجابات تشفي الغليل.. لكنني أسألهم وأعلم انهم مثلي لا يجيدون ولا يجدون أجوبة.. فالبلد بلا حكيم نسأله.. البلد بلا كبير لنلوذ به.. البلد بلا حائط لنستند إليه.. مصر المحروسة صارت محروثة.. لكنهم لا يحرثونها ليزرعوها خيرا وبركة وديمقراطية.. وإنما هو نوع مقيت من التجريف.. انهم يقلعون ولا يزرعون.. يسقطون ولا يقيمون.. يهدمون ولا يبنون.. وتسألني: من هؤلاء الذين يرتكبون كل الجرائم؟ فأقول: لا أعرف علي وجه التحديد.. أري جريمة ولا أري مجرماً.. أري حرقا ولا أري حارقاً.. أري حرثاً ولا أري حارثاً أري رءوساً أينعت وحان قطافها ولا أري سيفا يقطفها.. أري فوضي ولا أعرف صانعها.. أري وطنا هان علينا جميعا.. نتبادل خطفه ونطلب فدية تلو أخري.. تنبادل طعنه ونهتف له.. أري وطنا نقتله ونمشي في جنازته نولول عليه ونتعارك علي تركته الهزيلة.. أري المصريين ينتحرون بطريقة مبتكرة وجديدة.. أراهم ينتحرون بنحر الوطن.
هل هي سوداء إلي هذا الحد؟.. ربما لا.. "ربما أنا عجوز فرح" أتعجل الخلاص قبل أن ينقضي أجلي.. الشباب ليسوا في عجلة من أمرهم.. مستعدون للتعايش مع هذه الفوضي حتي تزول وتنقشع لان في أعمارهم بقية.. أما نحن العواجيز فنتعجل "نفسنا نشوف يوم عدل قبل ما نموت".. نتمني ألا يجعلنا اليوم نتحسر علي الأمس بكل شروره وآثامه وألا يجعلنا الغد نتحسر علي اليوم بكل ضبابيته وغيومه.
فرحنا بالثورة لكننا نخشي اغتيال فرحتنا.. رقصنا للثورة لكننا لا نريدها أن تتحول إلي رقصة الموت أو رقصة طير مذبوح من الألم.. الخوف يغتال الفرحة.. الرعب يسرق السعادة.. الضبابية والفوضي تغتالان الأمل.. فرحنا بعد عقم طويل وظلام دامس بأن مصر أصبحت حبلي بالثورة وحبلي بالفجر الجديد.. وحبلي بالديمقراطية.. لكننا لا نريد أن نصدم بأنه حمل كاذب.. وان الوطن تمخص فولد فأرا ولم يلد فجراًً.. طال ليلنا في انتظار انبلاج الصبح.. قلنا إن ليالينا حبلي بالفجر وسوف يتبين لنا الخيط الأبيض من الخيط الأسود من الفجر.. ولا نريد أن يكون حملنا وحلمنا كاذبين.. لا نريد أن يتمخض ليلنا فيلد فأرا وفقراً ولا يلد فجراً.
* * *
نظرة
لا تصدق أحداً.. فلو صدقت كل بلاغات الفساد لانتهي الأمر بالتحفظ علي أموال كل رجال النيابة والرقابة والقضاء.. ولو صدقت شائعات البلطجة والقتل والترويع لرأينا نهر نيل آخر باللون الأحمر.. هناك فساد لكن هناك أيضاًً كيدا وتصفية حسابات.. هناك جرائم وبلطجة وقتل ولكن هناك خيالا واسعا لدي الناس.. الثورة خلقت نوعا من الفوضي المعلوماتية والاخبارية.. الصحف تنشر الآن اخبارا من المقاهي والشوارع والأزقة.. لان الدولة الرسمية معطلة ومغلقة للتحسينات وليست مصدرا للمعلومات.. لذلك عليك أن نتسلح بالشك.. وأن تعد أصابعك جيدا في كل مرة تصافح فيها أحداً!!

اسهال الديمقراطيه والحريه

2011-03-07T13:15:00.000-08:00

يا جماعه انا بجد هموت من الديمقراطيه والحريه جالنا اسهال منها خلاص
يا جماعه ياللي بتتظاهروا ابوس ايديكم واحد واحد كفايه
كفايه مطالب حتي السواقين بيعملوا ثورات
فضحتنا بقت بجلاجل اعراض الناس بتتباع بجنيه علي الرصيف
ورق امن الدوله بيتباع بجنيه ياريتتتتتتهم كانوا فرمووووه احسن
يارب ارحمنا من اللي احنا فيه
حركه كفايه من مقال ابو كريشه
كفاية مختلفة ومضادة لكفاية الأولي.. شعاراتها كفاية فوضي.. كفاية إجرام.. كفاية بلطجة.. كفاية رعب.. كفاية “خنقة”.. كفاية اعتقال لمصر في شوارع المظاهرات.. كفاية بلاغات وشكاوي كيدية.. كفاية قوائم سوداء وبيضاء.. افرجوا عن الوطن.. أطلقوا سراحنا.. لسنا آمنين في سربنا ولا معافين في أبداننا ولا عندنا قوت يومنا.. إلي متي سنظل “نشحت علي باب التحرير؟”.. خذوا حبة أو اثنتين لتعالجوا أنفسكم وتعالجونا من إسهال الحرية وسيلان الديمقراطية.. الشجاعة الآن أن نمسك علينا ألسنتنا فقد طالت أكثر من اللازم وصارت مصر في أشد الحاجة إلي قطع ألسنتنا.. فلم يكبنا في نار الدنيا والآخرة علي وجوهنا إلا حصائد ألسنتنا!!

2011-03-01T15:28:00.000-08:00

تحولت حياتنا الي اسقاط بلا حمل ولا ولاده

2011-02-28T13:54:00.000-08:00

يد تصفع ويد تصفح!!
بقلم : محمد أبوكريشة
منتصف شهر فبراير
Mabokraisha@yahoo.com
Mabokraisha@hotmail.com
*************************************************************************
يا قوم .. أليس منكم رجل رشيد؟ ياناس .. ياعالم.. يا أهل مصر لا تجعلونا نحب من كرهناهم.. لاتجعلونا نتحسر علي من ملأوا حياتنا حسرة.. لا تجعلونا نقل : "ولا يوم من أيام المفسدين والمستبدين".. هل أصبحت تلك عادتنا..؟ هل هو مكتوب علي الجبين المصري أن يجعلنا الحاضر نحب الماضي ونقول: ليت أيام العذاب والديكتاتورية والفقر دامت؟ .. لم تتخلف تلك العادة وذلك المكتوب في أي عهد.. عندما حكم المماليك تحسرنا علي الأيوبيين.. وعندما حكم العثمانيون تحسرنا علي المماليك.. وعندما تحكم الانجليز تحسرنا علي العثمانيين والخلافة الإسلامية وعندما قامت ثورة يوليو قلنا: ولايوم من أيام الملكية.. وعندما حكم السادات قلنا: ليت أيام عبدالناصر واشتراكيته دامت وعندما حكم مبارك اعتذرنا للسادات وبكينا أيامه.. وعندما اندلعت حركة أو ثورة 25 يناير نوشك أن نقول: ولو يوم من أيام مبارك.. كل حاضر يبكينا علي الماضي ويجعلنا نضع أيدينا علي قلوبنا من الآتي.. كل السيناريوهات صارت مرعبة ومخيفة وسخيفة.. تنتزع من القلوب أي فرحة وأي تفاؤل.. نحن في حالة هدم لا تنتهي .. نحن في حالة تصفية حسابات مع عهد بائد ليس لها آخر.. نحن نلاحق فساد الماضي لنفسح المجال لفساد الحاضر.. نحن في أي عهد نطلق سراح معتقلي وسجناء العهد الفائت لنفرغ السجون والمعتقلات لنزلاء الحاضر.. لكن السجون والقضبان باقية مهما تغير السجين والسجان.. بل يتحول سجان العهد البائد إلي سجين الحاضر.. ويتحول سجين الماضي إلي سجان الحاضر .. ومن كان جلادا يصبح مجلودا.. ومن كان مجلودا يصبح جلادا.. الفوضي تتعامل مع الناس بلا عقل وبلا تمييز تأخذ العاطل والباطل تحكم بلا تحقيق ولامداولة.. تدين بلا دليل وتبرئ بلا دليل.. أمواج الفوضي يجيد ركوبها البلطجية والفتوات واصحاب الحناجر والقادرون علي القفز بسرعة من السفينة الغارقة الي السفينة العائمة.. الفوضي ليس فيها أي أجندة عامة لوجه الله والوطن ولكن فيها أجندات خاصة يتم تمريرها من خلال الضجيج والغوغائية الفوضي يحكمها منطق "فيها أو أخفيها".. وعليَّ وعلي أعدائي .. تحكمها أجندة الهدم.. أجندة "إرحل .. امشي" بلا بديل ولا برنامج ولا منهج الشعب يريد اسقاط النظام وتحت هذا الشعار تتحول حياتنا كلها إلي اسقاط بلا حمل ولا ولادة.. وهدم بلا بناء.. وشطب بلا كتابة.. نتحول جميعا الي حفاري قبور وحانوتية ولحادين.. ولا أظن أن الهدم يحتاج الي ابداع.. ولا أظن ان الاسقاط يحتاج الي عبقرية .. أي حمار يمكنه أن يركل جدارا فيهدمه.. وأي ثور يمكنه ان ينطح شجرة فيسقطها.. لكن الحمار لا يستطيع بناء جدار بديل ولا يستطيع الثور زراعة أو غرس شجرة جديدة.
ومصر الآن في حالة هدم.. الشعب والدولة مستغرقان تماما في الهدم.. الشعب استغرق وغرق حتي أذنيه في التظاهر والاعتصام والاحتجاج لاسقاط كل ما يقف في طريقه.. المظاهرات والاحتجاجات والاعتصامات صارت أوراما خبيثة تنتشر في جسد مصر كالنار في الهشيم الشعب الذي عاش طويلا مظلوما يريد أن يمارس دوره في الظلم.. يريد أن يكون ظالما ولو حتي ظلم نفسه ووطنه .. الشعب أراد إسقاط النظام لتحل محله الفوضي والفراغ لأن الشعب لم تكن لديه سوي أجندة الاسقاط والهدم.. الشعب يمارس الاستبداد الذي قاساه وعاناه.. يمارس الديكتاتورية بآليات الديمقراطية.. الناس يطبقون المثل القائل: "بيت أبيك خرب أو سقط الحق خد لك منه قالب".
الشعب لا يريد أن يتكاتف لإقامة بيت بديل لبيت أبيه الذي أسقطه.. ولكنه يتصارع علي خطف القوالب من البيت المنهار ليترك الوطن خرابا يبابا ينعق فيه البوم والغربان.
والدولة في حالة هدم أيضا.. هدمت الدستور والبرلمان والمؤسسات.. ويقول رئيس الحكومة: لسنا في عجلة من أمرنا.. نفس خطايا الماضي القريب.. نفس الايقاع البطيء والمتثائب الذي أخذ يفكر ويفكر ثم نام وهو يفكر ويفكر ثم قام وهو يفكر ويفكر.. ثم اكتشف انه وهو يفكر ويفكر كان يفكر ويفكر.. ثم نسي في أي شيء يفكر ويفكر.. الدولة تعاني نفس الهشاشة التي كانت في الماضي القريب.. الدولة ليست ثورية في مرحلة الثورة.. الدولة تلف حول الأمور ولا تقتحمها .. وكل ما فعلته الدولة حتي الآن نظري.. حظر التجوال كان شعاراً بلا مضمون وقرارا بلا تطبيق.. الدولة تحقق في قضايا الفساد والمفسدين لكن الشعب سبقها وأصدر حكم الادانة علي كل ما يتم التحقيق معه.. وكل الذين تم منعهم من السفر أو التحفظ علي أموالهم أدانهم الشعب قبل انتهاء التحقيق وقبل المحاكمة.. حتي الآن لا يوجد مدان واحد بالفساد في النظام السابق لكن الشعب المتعجل والمتشفي والشامت أصدر حكم الإدانة.. رغم أن قرارات المنع من السفر أو التحفظ علي الأموال ليست ادانة.
***
الدولة ليست في عجلة من أمرها لكن الشعب متعجل.. الكل الآن مدان ومجرم في رأي الشعب والدولة لا تشرح للناس الفرق بين اجراءات التحقيق وحكم الإدانة.. الدولة تنافق الجماهير ولا تجرؤ علي أن تقول ان المتهم بريء حتي تثبت إدانته.. لذلك أصدر الناس أحكام الإدانة علي حبيب العادلي وأحمد عز وزهير جرانة وأحمد المغربي ورشيد محمد رشيد وزكريا عزمي وصفوت الشريف.. أصدروا أحكاما نهائية غير قابلة للاستئناف أو النقض.. ولو حصل أي من هؤلاء علي البراءة فإن الناس سيثورون وسيتهمون الدولة بالموالسة .. الناس يرفضون براءة هؤلاء حتي لو كانوا أبرياء لأن الدولة ماشية علي موجة الناس وتنافق الجماهير ولا تدعو الي التريث والهدوء وتحكيم العقل وترك الكلمة النهائية للقضاء.. نفس منطق النظام السابق في عمل وافتعال زوابع في فنجان واقامة الدنيا وعندما ينتهي الأمر بالبراءة يكون سقف توقعات الناس قد علا.. وتكون الادانة لديهم حتمية.. لذلك يرفضون البراءة التي تفاجئهم ويعتبرون الدولة "موالسة" ومتسترة علي الفساد والجريمة.
ليس لدي أي منا ولو كان غاية في الانصاف والعدل والتعقل أدني شك في أن كل الأسماء التي ذكرتها مجرمة ومدانة ويستحق أصحابها الذبح ولست ادري "بأمارة إيه".. هل المنع من السفر والتحفظ علي الأموال يعني الإدانة.. أم هي محكمة الثورة التي لا تعترف بأحكام القضاء العادي؟ أم هي رغبتنا المتواصلة في الشماته والتشفي بدليل أننا دائما نهلل للإدانة ونحزن للبراءة؟ نري دائما أن الإدانة عدل وأن البراءة "موالسة" وطرمخة وتطبيخ للقضية.. نحن عدوانيون للغاية .. وكل قليل أدب وطويل لسان عندنا شجاع.. وكل داع الي العقل والمنطق والحكمة منافق وموالس.. هكذا بلا شروط ولا تحفظات.
ثورة أو حركة 25 يناير تتعرض الان للسطو والسرقة والنهب .. لكن ليس من جانب تيارات سياسية أو قوي خارجية ولكن من جانب اصحاب المطالب الفئوية والمالية والمتصارعين علي الغنائم والأسلاب.. ثورة 25 يناير قادها نبلاء وشرفاء وشهداء لديهم أجندة وطنية عالية وعامة.. وهؤلاء حاربوا وانتصروا لكن غيرهم يجمع الغنائم والاسلاب.. ترك فرسان 25 يناير الميدان للبلطجية والفتوات والمتظاهرين من أجل منصب أو تعيين أو علاوة أو بدل وجبات.. أو المتسولين المتظاهرين من أجل زيادة الصدقات.. وجعل الحسنة القليلة كثيرة.
ثورة 25 يناير ستتجدد اذا ظلت الدولة علي إيقاعها البطيء والممل والمتكاسل.. لكنها لن تكون ثورة نبيلة.. بل ستكون ثورة البلطجية والهليبة وراكبي الموجة وهواة جمع الغنائم والأسلاب الذين يحارب غيرهم وينتصر ويخرجون هم من الجحور ليجمعوا الغنائم.. كل الناس في بلدي الآن يقولون إنهم "ثوار ثوار ولآخر مدي".. الناس عرفوا ضعف الدولة وهشاشتها .. وهم واعون الي أن الدولة الان "لا تهش ولا تنش" وأنها مازالت في مرحلة الرجل الذي يفكر ويفكر .. وينافق الجماهير .. ورئيس الحكومة لم يتجاوز بعد مرحلة المهادنة والرقة المبالغ فيها.. لم نلحظ بعد في لهجته أي حسم أو قوة.. هو يقول: نريد أولا أن نطمئن علي عودة الأمن وكوب الشاي ولقمة العيش.. ولا يقول أبدا إن الحكومة مصممة علي إعادة الأمن وضبط الحياة اليومية ولن تسمح بهذا التهريج وتلك الفوضي.. الدولة مازالت "مخضوضة" مما جري ولا تريد أن تتجاوز مرحلة "الخضة".. لا تريد أن تلم نفسها سريعا.. ولا تستطيع أن تفرق بين الديمقراطية والفوضي.. لا تدرك الخط الرفيع بينهما.. لم يتبين لها حتي الآن الخيط الأبيض من الخيط الاسود من الفجر.
***
والناس واعون تماما لهشاشة الدولة وبطء إيقاعها.. لذلك طمعوا فيها ورفعوا سقف مطالبهم الخاصة وعرفوا أن الذين اسقطوا النظام كله بمظاهرة .. يمكنهم أن يسقطوا الحكومة بمظاهرة .. وأن يسقطوا رؤساء الصحف والبنوك والتليفزيون والشركات والأفران البلدية بمظاهرة أو وقفة احتجاجية.
.. ومع الوقت سيتحول ميدان التحرير من رمز للثورة إلي رمز للفوضي .. مع الوقت سيسقط الأبناء والبنات آباءهم وأمهاتهم بمظاهرة أو وقفة احتجاجية.. سينقل التلاميذ مدرسيهم بمظاهرة سيجبر طلاب الجامعة رئيسها أو الاساتذة فيها أو عمداء الكليات علي الاستقالة بمظاهرة وسيسقط شيخ الأزهر والمفتي والبابا بمظاهرة أو اعتصام.. لم يعد هناك أي كبير علي إسقاطه بمظاهرة أو اعتصام.. لن يستطيع مدير الأمن أو المأمور أو حتي وزير الداخلية أن يصدر أوامر أو تعليمات لانه يمكن ان يسقط أو ينقل بمظاهرة كما تم نقل مدير أمن الوادي الجديد.. فقد عرفت وزارة الداخلية ربما لأول مرة في تاريخه مظاهرات الضباط والجنود والأمناء.. حتي الذين من صميم عملهم فض المظاهرات والمسيرات اصبحوا يتظاهرون.. فمن يفض مظاهرة هؤلاء اذا انقلبت الي تمرد وفوضي كما حدث عام 1986 عندما تمرد جنود الأمن المركزي؟
الحكومة أو الدولة تلدغ من الجحر الواحد مائة مرة.. مازالت تتعامل بالبطء والموالسة.. مازالت "مخضوضة وملخومة" وغارقة في طوفان المظاهرات والفوضي.. مازالت بعيدة تماما عن الحسم حتي بمجرد الكلام الكبير من عينة "لن نسمح ولن نتهاون وسنضرب بيد من حديد".
كل دولة في العالم مهما بلغت درجة عدلها وديمقراطيتها لابد أن تكون لها يدان.. يد تصفع ويد تصفح.. فإذا اكتفت الدولة باليد التي تصفع فهي غاشمة واستبدادية وظالمة.. وإذا اكتفت باليد التي تصفح فهي ضعيفة وهشة ومخضوضة وملخومة.. لابد ان تكون اليدان متساويتين في القوة والقدرة علي الصفع وعلي الصفح.. لابد أن تقسو علي من ترحم.. فإذا افلت الزمام فإن الوطن كله هو الضحية.
لا يمكن أن يصبر الوطن طويلا علي عزلته الدولية والاقليمية.. لا يمكن ان تظل مصر طويلا منكفئة علي ذاتها وغارقة في السكرة والنشوة بما حدث يوم 25 يناير.. ثم غارقة في زلازل ما بعد هذا التاريخ.. ثم منغمسة في المطالب الفئوية والطائفية والمهنية.. ثم منشغلة بسياسة إطفاء الحرائق المنتشرة في كل شركة ومؤسسة ومدرسة وغرزة.. لا ينبغي ان تظل الدولة تتعامل مع الفوضي كأن الأمر لا يعنيها.. وان تظل مستمرة عند مرحلة مهادنة الجماهير ومداهنة الناس والطبطبة عليهم حتي اذا كانوا بلطجية وسارقي فرح.. ففرحتنا توشك ان تسرق .. وهؤلاء الذين يتظاهرون في كل مكان يوشكون ان يسرقوا الكحل والنور من عيوننا وان يكسروا "الكلوب بآلاف الكراسي".
***
الدولة ينبغي ان تكشر عن أنيابها قليلا وأن تكف عن الاستجابة لأي مطلب حتي إذا كان غير منطقي وأن ندعم قادة العمل في كل مكان حتي تصدر قرارات باستبدالهم بناء علي رؤية منطقية لا بناء علي طلب الجماهير.. الدولة يجب ان تتجاوز هذا الدور الذي لا يليق بها.. وهو دور المذيعة التي تقدم برنامج ما يطلبه المستمعون.. وما يطلبه المعتصمون.. وما يطلبه المتظاهرون.. وما يطلبه المحتجون.. لا يجب ان تظل الدولة نائمة علي أساس أن الوقت مبكر.. ويسمح لها بان تفكر وتفكر.. لابد أن تغادر الدولة بسرعة سريرها وفراشها الوثير وأن تكون لها يدان.. يد تصفع ويد تصفح!!
نظرة
لابد ان تدرك الحكومة والدولة أن هناك فرقا بين الديكتاتورية والحسم .. لابد أن تتخلي عن الميوعة والسيولة والبطء في معالجة الأمور.. وأن تعي أن أي قرار مهما بلغت درجة عدله لابد ان يرضي فريقا ويغضب فريقا آخر.. لكنه قرار لابد منه.. ويجب ان تعي الحكومة أن الحل الذي يرضي جميع الاطراف هو اللا حل.. بل إنه مشكلة كبري.. لابد أن نفيق حتي نغرق في المظاهرات والفوضي.. ثم تتوقف حياتنا اليومية تماما.. ويصبح حل الأمور "بالدراع" والبلطجة.. "واللي موش قد المسئولية يسيبها ويريحنا".
يا مصر اصحي بقي وفوقي من النشوة
موش كل يوم مظاهرة غدوة أو عشوة
يا حكومة زقي العجل خلي إيقاعك سريع
الحل حسم الأمور .. موش وعد أو رشوة!!

يا ليل يا بحر السكون ماذا طويت من القرون

2011-02-28T05:47:00.000-08:00

في ستيييييييييييييين داهيه

2011-02-18T10:45:00.000-08:00

رجاء من الشرطه: كيفووووووووووووهم كويس

اطبطب وادلع (عوده الخاميني الي ايران!!!!!!!!!!!!!!!!!!!!!)

2011-02-17T11:15:00.000-08:00

حكومتنا المجيده تستخدم اسلوب اطبطب وادلع واهتشك وابشتك وحاضر يا حبايبي من عنيه ।

وكل يوم تخرج علينا بمنع عبد السلام ومطاوع وشويه السيد قلقاس وحرمه قلقاسه وابنتهم فقوسه بيه من السفر الي الخارج ومفيش دليل كله اتهامات ونظام طبطب لغايه ما ينسوا

ونست حكومتنا المصانه انه لا قانون ولا مؤسسات ولا اي شيء ولا يوجد حتي حسم منها

************************************************************

الناس منهم من يخرج علينا ببعض الافكار مثلا

يالا يا جماعه جمعه الوفاء وجمعه البطيخ وجمعه الاناناس وانا بدوري من الشعب هنظم جمعه الهطل

والبعض الاخر عرف وفهم انا الجكومه اصبحت اضعف من الشعب واصبح يمارس ديكتاتوريه معتاده زي

رئيس البتاعه بتاعي مش عارف ماله وعايزين نزود مرتباتنا تزود مرتباتك والبلد خربانه والبنوك قافله وكل واحد عايز ياخد نصيبه من الدبيحه ومين هيحاسبه بقي صحيح حكومه هشتك

والبعض الاخر ظهر اخير ليصفي الحسابات ويقول كذا وكذا وانا ضرببته بالجزمه مره وهو مش عارف عمل ايه ياعم هات الدليل وتعالي

وسيبك من كتر الكلام ل

والبعض الاخر عامل زي الفئران بينط من هنا لهنا وبيغير رايه والنصيبه انهم رؤؤساء تحرير وغيرهم !!!!!!!!!

***************************************1

اما صحف المعارضه فهي ترقص علي البيت الخربان وشغلها الشاغل ايه اللي حصل بين الحاج مبارك والحاجه سوزان والحاج علاء ضرب الحاج جمال قلمين علي وشه وعمالين كل يوم يزيدوا وكل شويه اقري تفاصيل الساعات الاخيرة بسيناريهوات جديده والبعض الاخر منشغل بالقايمه السوداء وانا من موقعي هذا بقولهم حطوني في القايمه السوداء وهشوف مين اللي هيكلمني علشان احط صوابعي العشره في عينيه

******************************************************

والبعض الاخر منشغل بعد اموال السيد الرئيس وشويه ७० مليار وشويه २ مليار بس وشويه ३४ مليار والموضوع باين اساسا من اوله ان وباين ان الرئيس السابق خارج الدائرة بامر من الجيش!!!!!!!।

والناس كل واحد فيهم بيطلع فكرة شكل مثلا دي بلدك وهنطلع تقارير مش عارف ايه وبيانات

مش عارف ايه وهنظم تاني علشان نضمن حقوقنا وهنظم تاني علشان احتفاليه وانا اسف يا ريس يا حبايبي قطعتوا قلبي

**********************************************

كلنا لازم نهدي بقي علشان نقوم نجري من تاني وبلاش مصالح شخصيه وبعبعه دلوقت في ناس بره بتقول بره ان احنا

مش هنقوم تاني لا لازم نقوم ونرجع .

الي حكومتنا المجيده:يد حاسمه ويد ديمقراطيه(مقال في جريده الجمهوريه)

الي اخرون: ما اشبه اليوم بالبارحه عوده الخاميني الي ايران اللهم اهلك المنافقين ومن يستخدمون دينك لتصفيه حسابات شخصيه ويغنون ويرقصون علي خراب البيوت .....اللهم ارحمنا منهم كما رحمتنا من غيرهم

يارب يارببببببببببببببببببببببببببببببببببببببببب يارب

يارب لا تجعل هؤلاء الشرفاء يذهب دمهم هباء

التاريخ بايظ والجغرافيا بايظه برده!!!!!!!!!!!!!!

2011-02-14T15:15:00.000-08:00

كل ما افتكر الاستاذ بتاع التاريخ قبل ما يديني الدرس يقولي يا حبايبي مش ده التاريخ التاريخ بايظظ يا ولاد وفعلا التاريخ طلع حنكشه في حنكشه بس نسيت اساله الجغرافيا كده برده يعني ممكن تكون اللي جنبنا مش ليبيا يعني مثلا كوا كولامبووووووووو!!!!!!!!!
وبما اني بعرف احنكش واخرف جيبت 60 من 60
الله يرحمه الفريق سعد الدين الشاذلي قضي 14 سنه في منفي وتلات سنين في السجن علشان كشف المستور
*****************************
اما بقي اللي بيحصل اليومين دول مش ممكن ابو العنين خد مليون فدان وعز مليون فدان
وبيقولك بابا هات الف فدان في اكتوبر

انا خايف ابو العنييييين يكون اخد السرير اللي انا نايم عليه كمان!!!!!!!!!!!!!

*********************************************
تصريحات لوزير سابق :واحد طبال وواحد رقاص في فرقه رضا واكمل تعليقه هي دي المؤهلات المطلوبه في الحكومه!!!!
*************************************
بعيد عن الموضوع اخويا عمل بلوجD:
بقي من اصغر المدونييييييين في مصر
بس عملها ازاي مش عارفD:
ده فاضل الاقيه علي الفيسD:
المدونه

ارحموا عزيز قوم ذل

2011-02-12T21:28:00.000-08:00

مفرض نسيبه في حاله بقي خلاص هو يعني مش الحجاج بن يوسف الراجل خلاص انتهي وفي غيبوبه خلاص اللي سمعته وبعدين بلاش الارقام الخرافيه اللي بنقولها دي عن ثروته مفيش داعي للتضليل 70 مليار دولار !!!!!!!!!!!!!!!!!!!!!!!!!!!!!!!!!
ولسه تقرير طالع باقل بكده بكتييييييييير اوي هو يعني كتير برده مش معني كده انه حلو بس نسيبه في حاله وننساه
وياريت نفكر في نفسنا احسن.
********************************************************
والمفاجاه الكبري ناس مطلعين قوائم باللي كانوا بيعادوا الثورة طب ما كان في كتييييييييييير معارض بوقفه الناس في الميدان وانا منهم مش معني كده انهم خونه لا بس في حاجه اسمها الراي الاخر اللي انا واحد مكنتش اعرفه
والمفاجاه في جريده مشهوره سبببببببببببببببببببب علني لواحده كانت بتقول رايها وذكروها بماضيها بعد ما تابت عايزين ننضف دماغنا بقي
مش عملنا ثورة وخلاص .
******************************************
لو هيعملوا قوائم يحطوني معاهم ومش عارف فايدتها ايه دلووووووقت كل واحد يدور علي نفسه االاول وبلاش الاسلوب ده .
***************************************************
هعرف امتي اللي عملنا ثورة السنه الجايه لما هعرف ان الناس مبتدفعش رشوه علشان تمسك منصب او تدخل كليه عسكريه ولا شكلنا هنتعود واعتبرنا الرشوه اتاوة او كل الناس بتعمل كده.
ولا شوفففف الجديد
*********************************************************
عمرو اديب بيقول استغفر الله العظيم يعني
ان احمد عز كان بيقولوا عليه اجمد من ربنا
لا حول ولا قوة الا بالله
**********************************************************
انا خايف من حاجه
نبدا نقسم التورته
اللي لسه اساسا متعملتش

اخيرررررررراااااااا لقيت ابن الحلال!!!!!!!!!!!

2011-02-11T23:38:00.000-08:00

قعدت طول الليل ادور علي اسماء كده مره عمرو موسي ومره فاروق الباز واهرش في راسي
واقول هنستورد رئيس صيني شكلنا ولا ايه من كتر ما شوفته
ملقتش االا واحد ابن حلال وشكله طيب انا استبعدته في الاول علشان الشعب مش عايز عسكررريييييييين بس شكله ابن حلال واموووووووووووور ومشش اقرع اوي زي عمر سليمان علشان احنا كرهنا كل حاجه تبع النظام حتي القرع وبيقوله ان السبب والله اعلم في حاجاات كتير زي اللي عمله الجيش و بيقولوا عليه شخصيه شخصية كاريزمية ايوة كارزميه قعدت اهرش في راسي برده يعني ايه كارزميه طلعت كارزميه يعني حلوة وخلاص وشديده ما هو انا الصراحه قلقان الا يمسكنا واحد من اللي اياهم مش ضروري هما مين علشان الفتنه والبلد مش ناقصه بس وساعتها هنعتصم للابد في ميدان التحرير
رئيسسس الاركان الللواء سامي عناننننننننننننننننننننننننننننننننننننن حتي اسمه رومانسي عنااااااااان تطول فيها زي ما انت عايز.
يا جماعه بجد لازم واحد من العسكريين احنا مسيرنا هنحارب والصراحه من المدنييييييين ملقتش حد خالللللللص كله قلقاس حتي فكرت في نفسي قلقاس برده .
وده رايييييييييييييييييييييييي هو الموضوع سابق لاوانه بس مفروض ندور من دلوقت انا هدور تاني برده

11/2/2011

2011-02-11T09:16:00.000-08:00

سقوط نظام الديكتاتوريه بثورة الشباب
وقطعوا فعلا راس الافعي وثاروا منه
وهل ممكن ان نقطع بقيت رؤؤؤؤؤؤؤس الافاعي
ارجو ان لا تكون هذه المقوله غير صحيحه
كلنا ديكتاتورييين فيها او نخفيها!!!!!!!!!!!!!!!!!!!!!!!!!!
وانا مسحت حته هنا كنت ضايفها علشان ان شاء الله هيكوننن خير:)
فلتكن ثورة في كل مكان
واحمد عز طلع طبال اول مره اعرف طبال بس بجد شهاده ليه طبال جامددد !!!!!!!!!!
ارحمنا يارب
تحيه لقناه العربيه ولا غيرها علي نقل الحقيقه كامله بدون تحريض علي القتال!!!!
**********************************
الجمهوريه في ثوب جديد مش معقوووووووووول!!!

**********************************************************
اخيرا بقي صحيح انا معارض ان الناس تقف في الميدان وتروح بقي وده من زمان
مش علشان حزب وطني D: لا علشان حاجه تانيه علشان ده..

انا انسان عايش في مكان بسيط باجي في مكان بسيط هو قطر المناشي ومش هقولك هو معناه ايه بشوف ناس بسطاء لايعرفون السياسه ولاتعرفهم السياسه هؤلاء الناس قد يكونواااا في يوم من الايام ضحايا بسبب
وقف الحال

بس عدت الحمد لله والناس هتمشي و ان شاء الله خير:)

...........................................................................

اما الذي يصفني بالتطاول علي الشهداء يابني يا حبيبي انت بتاخد الكلام علي مزاجك الناس اللي ماتت دي احسن مني ومنك ومن الناس اللي مورهاش الا الكلام وانا مكنش قصدي كده انا كان قصدي ان فيه دلوقت اختلاف عن الاول فده مختلف وده مختلف مش زي الاول

............................................................................

وتحيه الي وائل غنيم اما الناس التي تطلولت عليه في الاخر فربننننننننا يسامحهم لانه فهمممممممممم انه قد تحدث مصيبه

فارادها بدون دماء

خلاص الناس هترجع بيوتها ان شاء الله:)

..............................................................................
نفسي يغيروا التاريخ بقي ويذكروا ناس كان ليها الفضل علينا الله يرحمهم

وفاه الفريق سعد الدين الشاذلي

2011-02-10T14:05:00.000-08:00

توفي القائد العسكري العبقري الفريق سعد الدين الشاذلي كان قائدا عظيما ويعتبر هو المخطط لحرب اكتوبر وهو الذي انقد كتيبته من الدمار في حرب 67 وعاد بها من علي حدود مصر مع غزة باقل خساير بعد امر خاطيئ بالانسحاب العشوائي ودمار الجيش رحمه اللله وجازاه عن ما عاناه في حربه وبعد حربه
خبر وفاته
حياته وخططه وانجازاته

10/2/2011

2011-02-10T13:07:00.000-08:00

تفويض الرئيس لنائبه

اعلن الناشط الثوري وائل غنيم احد شباب الثورة:
انه سيترك ميدان التحرير في حال تفويض الرئيس لنائبه
......................................

الضغط علي الزناد .. نهاية العناد !!

2011-02-09T20:30:00.000-08:00

انا عارف انه بيكتب في جريده الجمهوريه بس مش معني كدا انه مع النظام هو من زمان بيتكلم وبيقول اللي هو عايزه فلازم نحترم رايه دلوقتي لانه كان بيقول الحق من زمان اوي
وده الكلام اللي مستريحله بجد وبيقول كلام يتفهم بالنسبه لعقلي

بقلم : محمد أبوكريشة(جريده الجمهوريه )

Mabokraisha@hotmail.com
Mabokraisha@yahoo.com

المنحوس منحوس.. لاشك في ذلك.. وقليل البخت يلاقي العضم في الفشة أو الكرشة.. أوقليل البخت عضه الكلب في مولد.. ونحن في مولد وصاحبه غائب ولا ندري إن كان تحت القبة شيخ أم شبح.. ولا ندري أي شيخ أو ولي صالح أو شيطان مريد نصبنا من أجله الذكر أو الحضرة.. ولا ندري أي الطرفين سيقول: "أي" - فكل طرف أصبعه تحت ضرس الآخر.. وكل طرف يعض انتظاراً لتوجع الآخر واستسلامه.. وكل طرف غرس قدميه في الأرض لا يريد أن يتزحزح.. وسقف المطالب آخذ في الارتفاع مع الوقت. وسقف الاستجابة أو التنازل آخذ في الانخفاض.. والضباب آخذ في الانتشار في سماء الأحداث حتي انعدمت الرؤية تماماً وعز التحليل والتعليق علي الأحداث.. واتسعت مساحة الألغاز والشائعات مع اتساع مساحة الفراغ.. واتساع الفجوة بين طرفي أو أطراف المعادلة.. ولست أدري سبباً أو مبرراً لإسقاط خيار التفاوض.. فقد تفاوضنا ومازلنا مع ألد أعدائنا دون أن نمل أو نزهق. والتفاوض أولي بين الأهل وأبناء الوطن الواحد.. لقد تفاوضنا من أجل سلام لا يأتي أبداً مع إسرائيل.. فأي غضاضة في أن نتفاوض من أجل سلامة الوطن الذي لا شك في أن كل الأطراف تريد له الخير والاستقرار من وجهة نظر كل طرف؟!.. ومادام الهدف واحداً. فلماذا استبعاد أي وسيلة توصل إليه؟!.. لماذا لا نسقط من أجنداتنا دعوات الإقصاء والاستبعاد والرحيل والنبذ. مادام هدفنا واحداً؟!.. الذين يطالبون بالاستبعاد والنبذ والإقصاء ليست لديهم أجندات وبرامج بالتأكيد.. والذين يطالبون بالإقصاء ليسوا ديمقراطيين رغم أنهم يرفعون شعارات الديمقراطية.. والذين يتجاهلون ليسوا ديمقراطيين رغم أنهم يرفعون أيضاً شعارات الديمقراطية.. ولا إصلاح بالإقصاء ولكن الإقصاء يؤدي إلي الفراغ وفتح باب أو أبواب الشيطان.. وفتح سراديب المجهول الذي لا يعلم أحد كنهه. أو طبيعته.. وإحساس كل فريق بأنه سينتصر في نهاية المطاف. إحساس مزيف لأنه ناجم عن استقراء خاطئ للأحداث.. هناك طرف يري أن الآخر يتراجع.. وهناك طرف يري أن الآخر سوف يزهق ويمل أو أن زوبعته في فنجان.. لذلك يتمترس كل طرف نتيجة قراءته المغلوطة. والبلد هو الضحية في البداية والنهاية.
نحن إذن ضحايا ديكتاتورية طرفين كل منهما يرفع شعار الديمقراطية.. بين ديكتاورية المحافظين وديكتاتورية الثائرين والمطالبين بالتغيير.. وكل طرف يحاول خطف الشارع أو الناس أو البلد.. وأخطر الديكتاتوريات هي تلك التي يكون فيها القول ديمقراطياً. والفعل ديكتاتورياً. استبدادياً. إقصائياً.. والفقراء في بلدي رهائن في كل الأحوال وضحايا في كل وقت.. فهم ضحايا الإصلاح وضحايا الإفساد في الأرض.. هناك من يبرر السلب والنهب والبلطجة والتخريب بأن الأمر لا يستدعي القلق والغضب. فقد كنا منهوبين من قبل عن طريق الأغنياء.. واليوم ينهبنا الفقراء. سكان العشوائيات.. يعني اختلف الناهبون والنهب واحد.. وهناك من يري أنها ثورة الجياع "خللي الجعانين ياكلوا".. وهي أفضل في رأيه من ثورة المتخمين "الشبعانين".. وكم من الجرائم في وطننا ترتكب باسم الثورة.. وكم من الجرائم ترتكب باسم الاستقرار والاستثمار والشفافية والنزاهة.. حتي صارت كل الكلمات الجميلة في بلدي سيئة السمعة وقبيحة.
ويبدو أن حظنا العاثر كتب علينا أن نكون دوماً بين نهبين.. وبين فسادين.. وبين بلطجتين.. وبين نارين.. وبين مُرين.. فإما فساد المتخمين. أو فساد الجياع.. فساد المحافظين وفساد الثائرين.. كتب علينا أن نستجير من الرمضاء بالنار.. نحن أبناء هذا الشعب ضحايا في كل الأحوال ولن نكون يوماً رابحين.. لذلك ترسخت لدي المصريين علي مر العصور ثقافة "اللي تعرفه أحسن من اللي ما تعرفوش".. أي الغُلب والهم والفساد الذي ألفته وعرفته وتعايشت معه أفضل من فساد مجهول قادم.. لقد رسخ في أذهاننا أن القادم دائماً أسوأ وأن الجديد أقبح وأن التغيير أظلم وأطغي.. لذلك نحافظ علي الوضع السييء خوفاً من الأسوأ.. ونتجرع المر خوفاً من الأمر.. ونقول للمر والعلقم "اللهم ديمها نعمة واحفظها من الزوال".. نخاف من أن نتمرد أو "نتمرد" علي الفاسد حتي لا يعاقبنا اللَّه بالأكثر فساداً.
لست متفائلاً مما يحدث لأن كل طرف يتمترس حول ديكتاتوريته ويراهن علي نصر لن يأتي.. وأري أن انتصار أي طرف فيه هزيمة للوطن إذا جاء الانتصار نتيجة للعناد والتمترس والتشبث.. أما إذا اعتمدت الأطراف خيار التفاوض فإن الكل منتصر.. والوطن أيضاً سينتصر.. لابد للحكومة أن تعترف بأن هناك شارعاً جديداً لديه مطالب ينبغي أن تحترمها وتستمع إليها وجهاً لوجه بلا إقصاء أو تجاهل.. ولابد للشارع الجديد أن يعترف بأن هناك سلطة ونظاماً له إنجازاته وله إخفاقاته.. وله احترامه وينبغي عرض المطالب عليه وجهاً لوجه بلا غوغائية ولا دعوات للإقصاء والإبعاد والشطب.
* * * *
الشطب لا يحتاج إلي عبقرية أو إبداع أو فهم.. أي طفل وأي جاهل وأي حمار يستطيع أن يشطب. ويلطخ. لكن الإثبات والكتابة يحتاجان إلي إبداع ورؤية وفهم وعلم.. أي عابر سبيل يمكنه أن يقول: لا أريد.. لكن الفاهم والواعي والمدرك هو الذي يعرف ماذا يريد.. هو الذي لديه البرنامج البديل.. ونحن جميعاً نستوي في القدرة علي الرفض.. لكن بعضنا فقط لديه الطرح البديل.. والطرح البديل ليس استبداداً ولا ديكتاتورية. ولكنه يعتمد علي الحوار والتفاوض.. وهما خياران يرفضهما حتي الآن الطرفان.. طرف الشارع وطرف الحكومة.. وكل طرف سحب سفيره لدي الآخر ولا يريد أن يعترف به.. وهذا هو مكمن الخطر. وسبب الخوف علي الوطن.
وهذا التمترس والتشبث والعناد يؤكد أن الوطن ليس في رأس أحد.. لذلك يراد لنا أن نبقي رهائن وأن نظل مخطوفين وأسري يقتلنا الخوف علي يومنا وغدنا وأولادنا وأرزاقنا.. وأن نظل مخنوقين ومزنوقين بحظر التجول.. وحظر التبول حتي يقول كل منا "حقي برقبتي".. "هاتوا أي حاجة وخلصونا".. والمصري في هذه الظروف الصعبة مخطوف ومضروب في الثالوث الأهم لدي كل إنسان.. فهو ليس آمناً في سربه. ولا معافي في بدنه. ولا عنده قوت يومه.. لذلك يصرخ ويستغيث ويستنجد ولا مغيث.. لذلك يقول: "خلصونا.. أي حاجة والسلام".. وأكاد أقطع بأن هذا الرعب الذي نحن فيه مقصود حتي نزهق.. وننقلب علي أي من الأطراف المتمترسة. وننضم إلي أي منها.. فنحن وحدنا الذين يخنقهم حظر التجول.. ويزنقهم حظر التبول.. أما المتظاهرون فهم طلقاء.. وكذلك الحكومة طليقة.. نحن وقود معركة لا نشارك فيها.. ونحن أسري حرب لسنا جنودها.. نحن ضحايا بقاء الوضع علي ما هو عليه.. وضحايا تغييره.. والوطن هو الضحية الأكبر في هذا الوضع السييء الذي لا أري له نهاية.. كل طرف يتمسك بمواقفه.. وتحرك أي طرف من مواقعه يعني المواجهة المميتة. ويعني الخراب والدمار.. والحل أن يلتقي الطرفان في منتصف الطريق للتفاوض والاتفاق.
الحل أن يقتنع كل الأطراف بأنهم شركاء. لا أعداء.. أن يقتنع الجميع بأن الكل شرفاء وليسوا خونة ولا عملاء.. أن يقتنع الجميع بأن العناد هو الأخ الشقيق للغباء.. فاستمرار هذا الوضع السييء يعني أنه متجه إلي المواجهة. لا إلي الحل.. وأنه آخذ في التدهور والانهيار.. ولابد أن نتخلي عن هذا البطء القاتل. فالوقت ليس في صالح الوطن.. والرهان علي الوقت رهان خاسر.. ولا أدري إلي متي سنظل ضحايا للقراءة الخاطئة. والاستهانة والعناد والتجاهل.. وليس صحيحاً أن الأمن آخذ في الاستتباب.. وأن الوضع يتحسن.. فتمديد حظر التجول وحظر التبول يعني أن الأمر متدهور وأن الوضع متردي.
عيب جداً استمرار سياسة الضحك علي الذقون. والعقول. والقول إن البلد في حماية أبنائه الآن.. واللجان الشعبية وما إلي ذلك. فهو وضع مرعب وغير طبيعي ويؤكد الفراغ المخيف في البلد.. فالشباب رغم صدق القصد والنية والدور العظيم الذي يلعبونه يرسخون شعار: "من النهارده مافيش حكومة.. أنا الحكومة".. والإعلام الغبي يمدح وضعاً يجب أن يكون مذموماً.. ويذيع استغاثات تبث الرعب أكثر. ولا تؤدي إلي الشعور بالأمان.. والإعلام الغبي يؤكد دوماً شعار: "نناشد المواطنين.. نهيب بالمواطنين". وهو شعار يرسخ ويؤكد الفراغ. وأن البلد لم تعد فيه حكومة.. وأن علي كل مواطن أن يحمي نفسه "ازاي؟!.. ما اعرفش".
الإعلام عندنا مصمم علي الغباء والأداء "العبيط".. ليس إعلام حل أو فك أزمة. ولكنه إعلام يضاعف الأزمة ويرسخها.. والإعلام عندنا مصمم علي استضافة محللين ومعلقين وصحفيين. لكنه لا يستضيف مسئولين يؤكدون للناس أنهم مازالوا علي قيد الحياة.. الإعلام الغبي يتعامل مع الأزمة كما يتعامل مع مباريات كرة القدم.. بالتحليل والتعليق والوصف التفصيلي.
* * * *
الإعلام عندنا لديه نقص في "اليود" جعله غبياً.. يريد أن يكحلها فيعميها. ويريد أن يضمد جروحها فيدميها.. إعلام يلعب بنفس القواعد الخائبة.. يترك الميكروفون والكاميرا للشيخ محمد حسان أو للمفتي أو لأي رجل دين أو لعادل إمام أو أي فنان آخر.. ونسمع كلاماً من عينة "الماء هو الماء".. بينما دخل الوزراء والمسئولون الجحور كالفئران.. فلا وزير الكهرباء. ولا وزير البترول. ولا وزير التضامن. ولا وزير الصحة. ولا وزير الداخلية.. الناس يريدون قرارات أزمة. لا تحليل أزمة وإفتاء وآراء وتعليقات واتهام للإخوان أو الأخوات أو كفاية أو البرادعي أو أحمد عز.. نحن لا نريد أن نعرف أسباب الأزمة ولكن الناس يريدون قرارات أزمة غير قرار حظر التجول والتبول.. نفس الضيوف في وقت الرحرحة والاسترخاء يظهرون في عز الغلب والأزمة ليقولوا نفس الكلام العبيط.. الأزمة لا تحتاج إلي مجاملات. وتوك شو ومن يحاولون ركوبها من أجل النجومية.. الأزمة تحتاج إلي قرارات شو.. وإجراءات شو.. لكن الإعلام عندنا مصمم علي الغباء.
الإحساس بحظر التجول خانق ويرفع الضغط ويزيد الهواجس وينشر الخوف والرعب.. ماذا لو فاجأ المرض الناس في الليل؟!.. ماذا لو مرض الأطفال أو الكبار؟!.. ماذا لو انقطعت الكهرباء والهواتف وتعطلت المصاعد وتعرض الناس لنزيف أو جروح. أو كسور خطيرة؟!.. لا شيء سوي الموت في السر والدفن بالعافية. ولا عزاء في ساعات حظر التجول.. ولا جنازات.. فنحن هينون جداً علي الجميع.. علي الحكومة وعلي المعارضة.. ولا أحد يفكر فينا.. لا في الرخاء ولا في الشدة.. نحن دائماً جزء من الأزمة. ولسنا جزءاً من الحل "احنا موش في دماغ حد".. الأطراف المتمترسة حول مواقفها تطالب بالحرية عن طريق حرماننا من الحرية.. نحن رهائن الأزمة ولا أحد يريد أن يتفاوض أو يتحاور.. ليسوا في عجلة من أمرهم.. الأرانب مازالت تدرس وتفكر وتفكر وتستهين بالسلحفاة.. كل شيء يتم علي نار هادئة. نحن وقودها.
قلنا من قبل إنها قد تكون جراحة لابد منها.. وعلينا أن نتحمل آلامها.. ربما هي جراحة ناجحة لإنقاذ مصر من حالة الموات والفساد والعفن والبطء.. لكن الجراحة صعبة والآلام مبرحة.. وفي طريقها إلي قتل المريض المتمدد والمفتوح البطن في انتظار حسم خلافات الجراحين.. وبعد قليل. وعندما يموت المريض سيقال لنا إن الجراحة نجحت ولكن المريض مات.. "احنا عملنا اللي علينا.. البقية في حياتكم".. وساعتها سيقول أهل المريض: ليته عاش مريضاً ولم نعرضه لجراحة قاتلة.
أسوأ ما يمكن أن نسأل عنه الآن: الوطن في قبضة مَن؟!.. هل هو في قبضة المتظاهرين بميدان التحرير.. أم في قبضة الحكومة والسلطة.. أم في قبضة البلطجية وقُطَّاع الطُرق.. أم في قبضة المحللين والمعلقين والفنانين ورجال الدين؟!.. أسوأ هاجس يلح عليّ الآن ويلح علي كثيرين غيري أن البلطجية أصبحوا رجال كل مرحلة.. ورجال كل الأطراف المتصارعة.. أصبحوا الاحتياطي الاستراتيجي الذي يستخدمه المتصارعون ضدنا.. البلطجية موظفون في الحكومة ولدي السلطة.. وموظفون لدي المعارضة ونحن في كل الأحوال زبائنهم.. هناك هاجس بأن البلطجية لا ينطلقون من تلقاء أنفسهم. وإنما هناك من يطلقهم.. البلطجية أبطال الانتخابات وأبطال الثورة والانتفاضة أيضاً.. يقال إن البلطجية والهليبة والنهابين أطلقتهم الحكومة أو السلطة للإساءة لهبة الشباب.. ويقال إن الشباب أو الإخوان أو المعارضة أطلقوهم لإثبات أن الحكومة أو السلطة انتهت وأن البلد في قبضة المعارضين والإخوان.. نفس أسلوب المماليك عندما كانوا يتصارعون معاً فيطلقون البلطجية ضد بعضهم.. فهذا الوطن "ما شافش يوم حلو" في كل عهوده لأنه يدار بالبلطجة. وبتراث المماليك العبيد الذين لديهم استعداد لتخريب وتدمير الوطن من أجل مقاعد السلطة.. لديهم استعداد لصناعة المقاعد من الجماجم والأشلاء.. هناك مَن يريد أن يصنع الفوضي ليحكم.. لكن المعبد سينهار علي جميع الرءوس وعلي رءوس الجميع.
* * * *
نحن جميعاً ديكتاتوريون "فيها أو نخفيها".. أنا أو أنت لكننا لا نتحاور ولا نتجاور.. ولو أننا قوم ديمقراطيون لكانت تلك الأزمة فرصة ذهبية لمصالحة وطنية شاملة لا تقصي أحداً ولا تستثني أحداً.. فرصة ذهبية للتخلص من الاستعلاء والتعالي والتوجس والتخوين والتهميش.. فرصة تاريخية لتبادل الاعتراف والتخلص من الطائفية. والفئوية. والمذهبية.. كان يمكن أن تكون الأزمة مخاضاً لميلاد المواطنة كفعل لا كشعار.. ومازال الوقت متسعاً لذلك.. إن الأزمة اختبار حقيقي لإيماننا بالمواطنة كفعل لا كشعار.. فرصة للتخلي عن العناد الأخ الشقيق للغباء.. فرصة للتخلص من مبدأ عدم قبول الضغط.. فلابد أن تقبل الحكومة ضغط الشارع.. والتنازل عن الرأي للشارع شرف وليس عيباً ولا سُبَّة. ولا جُبناً.. وليس ضعفاً يؤخذ علي الحكومة.. بل إن قبول ضغط الشعب قوة وعظمة. وشرعية وديمقراطية.. أما العناد فينتهي دائماً بالضغط علي الزناد!!
* * * *
نظرة:
الأطفال يكتئبون في أوقات حظر التجوال.. ولا تجدي محاولات إبعادهم عن الحدث.. يشعرون بالخوف في عيوننا فتنتقل إليهم العدوي.. معدل الجريمة والبلطجة هو هو لا يتغير في أوقات حظر التجوال.. وفي الأوقات العادية.. بل ربما تكون الجريمة أقل في أوقات حظر التجوال.. لكن الحرية لها طعم آخر.. الإنسان يستطيع التعايش مع الخطر في وقت الحرية.. لكنه يكره الأمان عندما يفقد الحرية.. ومصر التي كانت واحة للأمن والأمان صارت تحت حصار الخوف وانتظار المجهول.. أشعر بأن المحروسة صارت محروثة.. أشعر بأنها أدمنت ثياب الحداد.. التي تبلي وتتغير قماشتها لكن لونها الأسود لا يتغير أبداً..

يا خفي الألطاف نجنا مما نخاف.
حظر التجول من تلاتة العصر
والخوف معانا في كل كوخ أو قصر
حملك تقيل يا بلد. صابرة ومحروسة
ولإمتي راح تلبسي توب الحداد يا مصر؟!

شهداء الثورة

2011-02-09T19:36:00.000-08:00

ازاي اقول ان الناس اللي في ميدان التحرير احسن ناس و اقدر اقول ان شهداء الثورة هيدخلوا النار ازاي اقول ان واحد طلع يطالب بحريته وخد رصاصه غدر وكان بيطالب بابسط حقوقه انه دخل النار ازاي اقول علي واحد اداني كل حاجه ومات انه هيدخل النار معناه كده ان المتحدث يتهمني بالخيانه او انني من ال مبارك بغض النظر هو فهم ازاي

الله يرحمهم جميعا اما علي الجمله دي فربنا اعلم بيها !!!!!!!!!!!!!!
(انا مش عايز اروح اموت او اموت حد وادخل النار انا وهو)
اما السياسه نسيبها لناسها والموضوع اللي فات انا بعتذر عنه لانه كان فيه تجريح وخلاص مسحته ومش هتكرر تاني